வானவில் உதிர்த்த
வண்ண வண்ண பூக்கள்
வண்ணத்துப் பூச்சிகள்
*******
தற்கொலைக்கு முயன்றால்
கிணற்றுக்குள் எனக்கு முன்
நீயுமா நிலாவே..?
********
வியர்த்தது விட்டில் பூச்சி
மரண பயமல்ல..,
மானுட பயம்.
*********
தலை கனக்க
பூ வைத்திருக்கிறாள் விதவை ,
பூக்கூடையில்.
*********
கடவுள் கையில்
ஆயுதம்,
பயம் யாரிடம்.?
********
வயல்காட்டிலும் நாகரீகம்
பேண்ட் சட்டையுடன்
சோளக்கொல்லை பொம்மை.
********
வெயிலில் ஆடு மேய்த்து
புழுங்கிய சிறுவனுக்கு ,
குடைபிடித்தது பனை.
*********
மண்ணில் வீழ்ந்தால்
மாயும் உருவென்று,
தும்பை மேல் தூங்கும் பனி.
**********
விண்ணுக்கும் ம்ண்ணுக்கும்
காதல் தூது,
மழை.
**********
தொலைந்து போனேன்
தேடி வந்தது,
வானத்து நிலா.
*********
கருத்துகள் இல்லை:
கருத்துரையிடுக